اشعاری در وصف روستای خمس

 قدیم بناسی وار خمسون

تمام کتلرون ایچره صفاسی وار خمسون

دوشنده گون،داغینا خوش هواسی وار خمسون

گیلان حوالسی دور یاخشی یرده واقع اولوب

باخاندا تاریخه چوخ ماجراسی وار خمسون

حاجی کریم باغینا بیر قدر نظر سالسون

درست باخاندا عجب دور نماسی وار خمسون

اگر قدم قویاسان حاجی میبینون باغینا

یقین اولار سنه الحق چشمه زاری وار خمسون

چتیندی سارق و اشرار یول تاپا او یره

چون که سید ابراهیم و آقا میر زمانی وار خمسون

تانیتدروب ائلین اطرافه اصفهان مشهده

حیف اولا احمدیه ارتحال ایدوب خمسون

گدوب وطن یولوندا جنگیده جوانلاری

توکوبله قانلارینی چوخ شهیدی وار خمسون

خطرلی ایشلر اولاندا عموم ایدله جهاد

سوزیله محکوم ایدلر شجاعی وار خمسون

گیرنده ماه محرم بزله قاره علم

بقدر اللی گونیله تک عزاسی وار خمسون

امیریله،مرحمت نوحه خوان اولار هامویا

لباس قاره گیللر لواسی وار خمسون

وئرله هر ایلی احسان اکملی نواده لری

حسین مخلصیدی بی ریاسی وار خمسون

حسین مطلبی چون پیر دیره راهب تک

بو نوع مرد شریف پر سخاسی وار خمسون

تمام دسته گیوب،قاره زنجیر اللرده

اورگلرینده حسین وای صداسی وار خمسون

عجب دعالر اوخور حفظیدن نماز اوسته

اذان چکن اروج اول پیر مغانی وار خمسون

خمس اهالی سینون دینه چوخ علاقه سی وار

آدی گلنده حسینون جان فداسی وار خمسون

مسجده خدمت شایان ائدله پیر و جوان

اورکده دائم اولان حق رضاسی وار خمسون

جوانی هم قوجاسی جمله مرد میداندور

چاقیر سا دادینه هر کس مشکل گشاسی وار خمسون

اول حاجی غلام او گونی مکه دن دانیشاردی

عموما اهل زیارت هواسی وار خمسون

ایدردی بعضی لری بارگاهیدن تعریف

قوناق آپارماقیچون التجاسی وار خمسون

گئدن قوناقلاری هیچ وقت دئمز ائوه قایدوم

تصور ایله کی آهن رباسی وار خمسون

تمام آداملارینون دینه چوخ علاقه سی وار 

دانیشدیراندا بیلرسن حیاسی وار خمسون

یازاندا همتی بو جمله نی خمس آدینا

سنی ده یاد ایلیللر وفاسی وار خمسون

شاعر:حاج همزه علی همتی

---

---

---

صدق و صفاسن ای خمس

خوش یاشا دنیا یوزونده گوهرستان ای خمس

باصفاسن هر ندن باغون گلستان ای خمس

داغلارون یاز فصلیده گلدور چیچکدور لاله دور

واردی سنده گورموشم هر یرده بوستان ای خمس

دوروی داغلار دوتوب آغوشینه آلمیش سنی

کند لرون ایچره کهن انگشت نماسان ای خمس

چایلارون پر آب دور عین بهشتون کوثری

اول آخان چایلار کیمی وار سنده نهران ای خمس

هر نقدر تعریف ائدم وصفون گینه آزدور اینان

جنته بنزر او مأوا با وفا سان ای خمس

چوخ ادیب حیران قالوب سندن نجه تعریف ائده

من ندن آسان ساییم بو امری آسان ای خمس

باغلارون هم چایلارون هر کس گورر تعریف ائدر

بیز اورکدن عاشیقوک مهر و وفاسان ای خمس

ازلیندن سن آغور چون آدیله آدلانموسان

ایسترم آرتسین جلالون دور نماسان ای خمس

ائللرون غیرتلیدی احسن سنون تپراقوه

عارف انسانلار وئروبسن یوخدی نقصان ای خمس

جنگی تحمیل ایلدی صدام جون صدامیان

سن جوانلار یولادون خاک خوزستانه ای خمس

شهرتون دوتموش تماما آری ایران ملکونی

چوخ شهیدون وار یاتوبلار عالی انسان ای خمس

تپراقوندا بسلیوبسن چوخ جوان وردون شهید

آدلارین بیر بیر دیوم نوری کریمیان ای خمس

اول مرادی هم اسدی بیل غنی زاده شهید

سن یتیردون عرصیه چوخ با حیا سان ای خمس

بو شهید لر ائدیلر آزاد ایران تپراقین

گلدیلر پیروز مندانه شجاسان ای خمس

بعضی وقت ادون گلنده دشمن کافر اسر

نیلیوبسن عمریده تاریخده وارسان ای خمس

جنگ زمانینده سس گلردی ذکر یا رب هر طرف

همتی یاز دفتره عالی بناسان ای خمس

  شاعر:حاج همزه علی همتی

---

---

---

خمسون میزگو داغی

میزگو داغی چوخ ویقارون وار سنون

طالشلار مهمانون آدون وار سنون

صفالیسان علفزارون وار سنون

سن اولماسون باغلار بهره وئرنمز

اکینچیلر یرآلمانی دره نمز

میزگو داغی اتکلرون چمندور

چوبان گزن همارلارون علفدور

دامنوندن آخان سولار عجب دور

بهار فصلی گله بنزر داغلارون

اولار یاشیل زمیلرون باغلارون

میزگو داغی سن باشی اوجا داغسان

اوجا داغلار کیمی همیشه وارسان

خمسلی قارداشا یاخشی دایاقسان

اوت علفون زومار قویون قوزییا

سن صفا وئروبسن دوشی دوزی یا

میزگو داغی سن گوروسن هر یانی

تعریفون بوریوب اسبو ، استانی

سن بهشت ائدوبسن باغ و بستانی

سنون اوت علفون خزان اولماسین

ائللرون ده هیچ گون سن سیز اولماسین

میزگو داغی چرچی اوغلی اوباسی

امیر اوغلی آقا ولی داواسی

رشید خانون هر دم گلر صداسی

ماتان کیمی یاشیل چمن لرون وار

یاخشی کشاورزون چوخ ائللرون وار

قارا چمن سویوق سویی یونجاسی

آقا وردی باغی قدیم بناسی

حاجی علی یوردی گوزل اوباسی

پاییز قویون قوزی اوردا مله شر

او باغ صاحبلری دائم اللشر

میزگو داغی یالقوز آقاج قیزوبدی

سیل داشلاری یونجالیقا ویروبدی

ایکی شریک عجب شاکی اولوبدی

یتمیش یدی ایلی عجب یاز اولدی

علینن رشید خان اورک شاد اولدی

               شاعر:حاج همزه علی همتی

---

---

---

آنا یوردوم ویجاران

آی ویجاران باشون باخور استانا

سندن آیری دوشدوم گتدیم تهرانا

چوخ ائللرون کوچدی گتدی گیلانا

سنده گزن ائللر گزسین وار اولسون

یسین ایچسین همیشه لیک شاد اولسون

آی ویجاران اولار سنده گزللر

کورپه بالالاری قاچوب گیدللر

هم اوتلالار هم نه نه لرین امه للر

اوچی گورجگ داغدان داشدان قاچالار

یل مثالی تلون باشین آشالار

آی ویجاران بابا گزن یرلری

چخماز خاطریمدن چوخ زحمتلری

آباد ائدوب تمام اول دوروبری

اما وفا ائدموب گتدی دنیادان

رحمت ائدسین اول کیشینی یارادان

آی ویجاران عالی سویوق سویون وار

باش طرفده قدیم میاروانون وار

یاخشی بیر همسایه گورگور قایون وار

اوشاقلار سسینه قولاق آساللار

اونون دوره سینده مال اوتارالار

آی ویجاران گوزل گور گور قیه سی

مه گلنده شئی لر دره تپه سی

اوت علف ایچینده کهلیک فره سی

او نازنین یرر خرابه قالدی

تمام صاحبلری قربتده قالدی

آی ویجاران فلک ایشین گوروبدی

بیرینی آغلادوب بیرین یوروبدی

قدیم کیشیلر کوچوب تمام گیدوبدی

اولارون یرینه دای گلن اولماز

قوجالارون قدرین هیچ بیلن اولماز

  شاعر:حاج همزه علی همتی

---

---

---

نیلوم بو دنیانون یوخدور وفاسی

فکریم گیدوب خمس یرین دولاندی

اورگیم غم آلوب حالیم بولاندی

گچدی خیالیمدن او قدیم کیشیکر