طبیعت برفی روستای خمس

میزگو داغی

ای داغ نیه بس آق قارون آلتیندا قالوبسان

من تک اوزووی سنده یامان حاله سالوبسان

گزدیم  اتگون یتدی بو عمروم بئله باشه

چوخ غصه ییوبسن بالا من تک قوجالوبسان

بوغدا یرینه بوللی تیکان وار اتگونده

بو ارثی دئنن آی اوجا داغ کیمدن الوبسان

قیشدا یئل اسوب یئرده دونوب لاله سارالدی

دینن نه بلایه توخونوبسان سارالوبسان

دیل آچ بو زمانه یکه داغ ایله شکایت

ائللر گدلی باری بو احواله قالوبسان

یاز فصلی گلنده گویروب لاله گل آچدون

ایل ترسه گلنده نه دیوم چوخ قارالوبسان

ای ((همتی)) یازما اوجا داغ تک نیه قالدون

گل بو سوزی یاز اوزگلریله بیر اولوبسان